#信子華你就可以賺到292餐大家樂了！#翠華（1314）口碑一早玩完，前排諗住賣盤啦，但最終又賣唔去。賣唔去點呀？頂硬上囉，都要食飯架…啲老闆。翠華最新搵咗有份拍電影《點五步》嘅林耀聲同胡子彤，拍網絡廣告。
廣告條橋點呢…？條片我睇咗一半…聽到林耀聲結婚斟茶畀阿媽時講，「呢杯係翠華奶茶」Oh…Hard sell到已經唔想睇了。至於出面對條廣告反應，就同翠華口碑、翠華股價，翠華啲嘢食一樣，一字記之！差！
好多人就將呢條片，同 #大家樂（341）今年5月出街，由「男神」#黃子華 擔大旗嘅廣告去比較，話兩間餐廳，本身形象差，就算你搵邊個拍廣告，都係召回「關公」！
不過…話分兩頭，神奇嘅係，你睇大家樂個股價！「男神」黃子華廣告5月18日正式推出，當日收市價20.67元，之後過幾日，股價見底…然後回升…然後再爆升，之去到上個月，股價最高升到27.9元，累積升幅足足有35%！一手2000股，如果你咁叻食盡呢個浪，你半年唔使就賺1.46萬銀！我當你行入去大家樂食50蚊一餐咁計，等如你賺到292餐！（好唔好食…抵唔抵食…我去唔去食，又係另一個問題。）
順手提下，大家樂今日收市仲有26.75元。大家樂股價，真的起死回生；男神，可能真係神。
至於翠華呢，股價由8月開始係咁跌，跌到1.3銀左右先疑似築底，以今日收市1.31元計，股價累積跌近三成。至於之後升唔升得返…嗯，我唔關心，反正我唔會買。
#啲寫財經欄嘅廢青又喺度穿鑿附會呃收視 #明明大家樂2月有另一個底又當睇唔到 #個市咁悶開心吓啦咪咁認真
by千頌C@堆填區
信子華你就可以賺到292餐大家樂了 在 www.shuiwu114.com/UpFile/2020/2020120617170761_跨区调... 的相關結果
536, 533, 广州市福满家连锁便利店有限公司华就店, 91440101696940585Q, 国家税务总局广州开发区税务局 ... 1035, 1024, 大家乐（广州）食品有限公司黄石金国广场分店 ... ... <看更多>