星期四早上的老人科門診, 時間通常比較鬆動。十二時半, 我已經完成了所有舊症, 準備迎接新症的來臨。
門打開了, 一位女士坐在輪椅上, 由一位男仕推出來。看看轉介信, 是腦外科把女仕轉介來跟進她的內科問題, 包括高血壓, 高血糖和高血脂。
根據紀錄, 67歲的女士跟丈夫同住。 兩個月前的一天早上頭突然劇痛, 到政府醫院求醫, 照電腦素描後發現嚴重腦出血, 腦外科醫生立刻為她動手術, 幸好女士神智並未受到影響, 亦能溝通自如; 四肢力度不錯, 只是走路不穩, 平衡力很差, 需要協助才能走路。
不過如此嚴重的腦出血, 能及時診斷並接受治療, 又没有嚴重後遺, 可說是不幸中之大幸。
「咦？你做完手轉咗去私家醫院喎。」翻閲紀錄後我發現。
「係呀, 我想佢復康得好啲, 係個度都做咗啲運動。」丈夫對我説。
兩夫妻住在中產屋苑, 經濟狀況不錯, 負擔得起當然希望有更好的醫療服務。
「咁佢出咗院係屋企行成點呀?」我問丈夫。
「佢出咗院幾日, 唔敢俾佢行呀, 佢都行得唔穩陣。」丈夫坦白說。
「咁你係私家醫院出咗院, 有無再安排你做乜野運動?」
「無呀, 佢叫我地係屋企郁多啲喎。」
中風後頭一至兩個月, 屬復康黃金期。通常在政府醫院, 中風後若有需要會轉到復康病房繼續治療; 就算適合出院返回社區也有老人日間醫院作持續鍛練, 配套相當齊全。
雖然政府投放醫療資源不足, 一直惹人詬病。但老人日間醫院的設立, 的確是一項德政。不知多少在社區生活的老友記, 經過在日間醫院的鍛練, 重拾在生活上的自信。
「不如我地轉介你去日間醫院做運動呀?」我對女仕説。
「咁緊係好啦。」丈夫顯得雀躍。
或許, 他們根本不知道政府醫院可以有這樣的安排。
日間醫院有醫生、護士、物理、職業治療師; 言語治療師和社工又會不時來評估老友記。若以成本計算, 當然一定很高; 但此類服務的性質收費卻不可能過高。 這些不能賺大錢的服務, 又怎會在私營市場流行呢?
為大眾提供全面優質而廉價的醫療服務, 還是要依賴政府。
